Hinsawdd a'r Sector Diwylliant

Mae Llyfrgell Genedlaethol Cymru, Aberystwyth, wedi penodi Judith Musker Turner yn arweinydd newydd ar gyfer y Rhaglen Gweithredu ar yr Hinsawdd ar gyfer y sector diwylliant. Bydd y rôl yn gyrru ymateb y sector i'r argyfyngau hinsawdd a natur ymlaen. Gyda chefndir cryf mewn gweithredu ar yr hinsawdd ac ymgysylltu â rhanddeiliaid, mae Judith yn dod â chyfoeth o arbenigedd, angerdd a mewnwelediad strategol i'r swydd newydd hon, a ariennir gan Lywodraeth Cymru, meddai'r llyfrgell. Wedi'i lleoli yn y llyfrgell genedlaethol, bydd Judith yn gweithio ar y cyd i gyflawni camau gweithredu a chynnydd ar gyfer y sector diwylliant cyfan yng Nghymru mewn ymateb i newid hinsawdd. Dywedodd Rhodri Llwyd Morgan, prif weithredwr y llyfrgell: “Mae gan y sector diwylliant bŵer unigryw i ysbrydoli newid ac, o dan arweinyddiaeth Judith, rydym yn edrych ymlaen at weld gweithredu ar yr hinsawdd beiddgar, creadigol ac effeithiol yn y llyfrgell ac ar draws y sector.”